大紅袍火鍋料理 (已結業)

我通常去任飲任食火鍋，好少去食散叫，呢間上年我生日去過，當日大家食得好豪好開心，今年有同事生日想 encore 所以再去。因為我同事係熟客，兩盤刺身係送嘅，生蠔都好甜。湯底係「金屋藏嬌」，冬瓜底加半隻雞。牛肉味濃，超滑，睇賣相都知好正啦。桶蠔隻隻都大隻，只係$138，自己去街市買都差唔多價錢，超抵食。水餃併有黑松露餃，好味，又再 encore。其他配料都有水準。13人食，埋單$3,050，平均每人唔使$240，平過食放題，而可以食到高水準食物，真係要再去。