牛扒先生 (康怡廣場) (已結業)

最近因為疫症而多左回家食飯, 反而少左出外食飯, 早兩日媽媽休息一天唔煮飯, 我地就出去附近食西餐, 幸好去到餐廳人流唔算多, 食都放心得多! 間唔中我地都會去依間餐廳食晚飯, 因為依度既半自助晚餐的確物超所值, 而且係食到捧住個肚走, 加上而家做緊限時優惠, 四人同行一人免費! 今次我地就揀左晚餐, 每個餐都包左主菜+餐湯+精選甜品+特選飲品我地一行四人就各自揀左自己想食既主菜, 而沙律就有兩款選擇, 分別有煙三文魚沙凱撒沙律或鮮木瓜海蝦田園沙律, 其實食既沙律同半自助沙律吧自取都係一樣既食物, 新鮮得黎份量都幾多是日餐湯係牛肝菌松露湯, 味道濃郁香滑今次我叫左迷迭香燒雞拼BBQ醬烤豬肋排, 配菜係普羅旺斯炒雜菜同黑松露薯蓉, 燒雞外皮幾脆, 雞肉保持到肉汁, 唔會過份刃口, 豬肋排入味又夠軟熟, 入口完全唔粘牙, 黑松露薯蓉口感軟滑帶陣陣松露香, 唔錯爸爸就揀左芝士焗龍蝦拼特色香料牛扒, 同我一樣既配菜, 龍蝦依然口感爽彈, 芝士味又唔會濃過頭, 牛扒係好似漢堡扒既味道, 食落係牛柳口感, 如果有返少許咬勁相信會更好媽媽揀既聖凱倫牧場安格斯西冷叫左七成熟, 配菜有迷你甘荀, 燴野菌