St.George (已易手) 新餐廳

想食呢間餐廳好耐，因為好似環境好有情調而好評又多。朋友生日即興約食飯，撞著今個星期父親節周圍都訂唔到位。居然呢間訂到十位，點知原來係有原因！環境而言，情調一流， 夠特別，無野彈！ 服務方面，無特別，唔係差，但收得呢個價錢，就絕對唔係好。個經理係咁意照讀個MENU就當介紹完，你知啦，食西餐好多時睇完個名都唔知點整同食D咩， 要我再問先介紹。而且， 以一個7佰幾蚊得4個COURSE嘅晚餐黎說， 我期望會有比較合乎STANDARD嘅SERVICE比到我。食物方面， 最好食係送嘅麵飽。其他野食完全唔得。＄7XX，4度菜，無一樣可以稱得上好味。有個朋友直情叫左出黎， “嘩！咁難食嘅！”。我知道法國或FUSION野個廚都要勇於嘗試， 將唔同嘅味道結合， 但我只可以講，呢個廚係今次嘅味度結合上完全失敗。而且份量係真係太細，我唔係第一次食西餐或法國野， 可以理解“的色”“精緻”，但今次我真係接受唔到，大部份朋友一行十人，個個都話要去老MC再食，我都係第一次！ 所以唔怪得周圍都訂呂到位時，呢度居然有位啦！ 食物相？對唔住，真係難食到唔想記得所以無影！