La Parole (已搬遷) 新店位置

放假睇完戲, 中午一點幾，打算食餐好D, 見呢間餐廳門面唔錯，又有張甚麼米芝蓮的宣傳poster在門口，於是一試。餐牌上的set lunch 由$88 至$118，我地三人點了兩個海鮮香草醬意粉及一個芝士局。首先要彈的是服務，侍應生為我們斟水時，分心與另一waiter交談，斟到水杯滿瀉，要嗌佢先識停，搞到布都濕晒。餐湯一般，可惜湯碗外的湯漬未抹乾淨就上，你估係茶餐廳咩。意粉軟硬度是local 茶餐廳水準。香草醬聞落有陣雪櫃味。芝士焗(仔)半隻加埋些少薯容椰菜絲，份量似係頭盤，食完成個set lunch，3點幾4點就肚餓了。甜品聲稱是每日廚師監製，但只是一般西餅店level，如美X，的凍蛋蜷一件。整體算是好一般的set lunch，但收成$90-100就物非所值。同樣價錢，灣仔，日月星街一帶，例如Spxxl，Spuxxti，La Flxxx，Oh Lxlx 已可食到好好的水準。可能受環境，價錢及米芝蓮有關的poster影響，一開始就期望過高。