全記點心專門店 (已結業)

我其實已經唔係第一次嚟這間點心專門店食下午茶。上次只有我一個人食咗兩籠點心。發覺原來佢哋真係講得出做得到。一籠$13就所有都係$13。包括蝦餃、燒賣、蒸飯。好貼地和抵食。雖然那些職員零笑容、服務都唔見得特別親切。但都算係稱職。講返食物：腸粉好差唔會再點，因為只係粉厚零味道虾餃合格，Size都算大。燒賣就點了唔同款嘅各兩個，干蒸燒賣根本好似食緊牛肉一樣。虾燒賣就比我想像中好，下次都係唔好太多心，山竹牛肉就好滿意，因為佢哋嗰喼汁好夠味。灌湯餃保持水準。$13就值得嘅。唔特價就唔會點選。因為都唔算太足料。湯又唔算特別大味。見第一批都還算滿意，所以想再落單，但原來只可以落一次。唔可以再加單⋯還有未到六點進來嘅食客其實已經唔可以再點下午茶嘅價錢⋯這個問題希望店家會改善。總括來講呢餐都算滿意。不過用茶包就真係Hea咗啲⋯所以根本當飲滾水飲。