和牛燒肉一郎 (寶漢大廈) (已結業)

呢間餐廳想試咗一段時間。今日自私一人食，可以去試吓啦。雖然我係自私一人食，但舖頭入邊好似大部份都係大枱，職員俾咗張可以坐到六個人嘅燒烤枱俾我。餐廳好大，感覺好光猛整潔。本身想食個午市燒肉套餐，但係見到舖頭做緊牛丼祭，有三個牛丼（包麵豉湯）做緊特價由$78減到$38。一於趁佢有特價試咗呢個先。我揀咗個一郎特製牛丼。另外，餐廳可以加$20享受沙律吧同埋無限飲品，又或者加$48享受自助沙律吧，飲品同各款甜品。咁我就少少哋加$20試下佢個沙律吧同埋飲品啦。餐廳係用QR code落單。落咗單大概10分鐘左右，牛丼到左，啲飯好軟熟，牛肉正正常常但係份量偏小。至於出面可以拎嗰啲飲品方面，有好多選擇，有啲係餐廳自己調校嘅各款果汁，有各款熱茶，亦都有好多大牌子嘅罐裝飲品可以揀。不過沙律吧就一般般，有紫椰菜，椰菜，車厘茄，粟米，沙律菜，日本蘿蔔，唔算係好多選擇，質素就正正常常嘅。埋單$64。