自家人酒家

營業中

休息中

近排肩頸痛，每天早上到公園做拉筋運動。運動後便去飲特價早茶。我們於十一點半前到達，一口氣叫咗五碟特價點心。牛肉腸粉：腸粉皮薄而嫩滑，冇諗到牛肉餡有馬蹄和分量多，好味。。蝦餃：好大隻，蝦肉嫩又多，唔錯。好味道。。薑汁雞包仔：麵包鬆軟，有蝦有雞肉有薑汁，真材實料，好味。。牛肉球：好大粒，好似乒乓波咁大，還有馬蹄粒粒，好飽。比出面酒樓好味啲。粉果：有四粒，蘿蔔粒和花生粒比起其他酒樓多啲啲。味道一般，冇乜特別。。整體嚟講，環境乾淨，食物質素超水準，抵食夾大件，早知㸃心甘大件，我們就柯打少一個點心，我們食到好飽好滿足。