影片
更多
2024-10-29
792 瀏覽
Weekend喺IFC行完街，想搵間餐廳dinner。過咗橋喺恒生總行落嚟，見到有間西餐廳做特價，原價$1288嘅二人餐只係$699，就入去試吓。“紅館 RaRe Restaurant”後來先知呢間法國餐廳，係由一個藍帶廚師主理，就更加要試吓佢手勢。二人餐($1288 -> $699)，由6個course組成。每個course都可能有嘢揀，或者加錢升級菜式。但要注意嘅係，佢所有course都係打孖上。即係每位都有一個full 6 course，所以份量係相當唔少。巴馬火腿蜜瓜沙律 - 份量唔細嘅沙律，parma ham同黑醋火箭菜幾夾，欣賞佢仲有啲車厘茄。蘑菇湯 - 菇味好夠，但同時有相當多嘅忌廉味，有點顆粒感。低溫慢煮雞胸冬陰功扁意粉 - 外表好似平凡，但係其實非常好食。首先佢嘅雞胸係非常軟腍，一啲鞋嘅感覺都冇。最重要係冬陰功嘅味道，唔嗆唔辣，亦都冇非必要嘅配菜(唔會立亂加洋蔥青椒)。而最出色嘅地方係收汁，令到意粉好入味，甚至比好多西式意粉優勝。紅館薑母鴨 - 用上原隻鴨腿，同一般油封鴨相比，皮更脆肉更嫩，有少少似明爐燒味嘅燒鴨，加上可以點嘅果醬，食落去會覺得好新鮮滿足。摩洛
過咗橋喺恒生總行落嚟，見到有間西餐廳做特價，原價$1288嘅二人餐只係$699，就入去試吓。
“紅館 RaRe Restaurant”
後來先知呢間法國餐廳，係由一個藍帶廚師主理，就更加要試吓佢手勢。
二人餐($1288 -> $699)，由6個course組成。每個course都可能有嘢揀，或者加錢升級菜式。但要注意嘅係，佢所有course都係打孖上。即係每位都有一個full 6 course，所以份量係相當唔少。
巴馬火腿蜜瓜沙律 - 份量唔細嘅沙律，parma ham同黑醋火箭菜幾夾，欣賞佢仲有啲車厘茄。
蘑菇湯 - 菇味好夠，但同時有相當多嘅忌廉味，有點顆粒感。
低溫慢煮雞胸冬陰功扁意粉 - 外表好似平凡，但係其實非常好食。首先佢嘅雞胸係非常軟腍，一啲鞋嘅感覺都冇。最重要係冬陰功嘅味道，唔嗆唔辣，亦都冇非必要嘅配菜(唔會立亂加洋蔥青椒)。而最出色嘅地方係收汁，令到意粉好入味，甚至比好多西式意粉優勝。
紅館薑母鴨 - 用上原隻鴨腿，同一般油封鴨相比，皮更脆肉更嫩，有少少似明爐燒味嘅燒鴨，加上可以點嘅果醬，食落去會覺得好新鮮滿足。
摩洛哥燴羊肉 (set+$48) 稱之為stew，所以第一個條件係一定要夠腍，而佢都做得好好。將羊肉加埋其他配菜一齊食，調味充足，食落同樣地好滿足。
甜品
有“芝士鮮果撻”同”芒果拿破崙”。芝士鮮果撻嘅芝士味配埋甜甜嘅提子一啖食落去好開心。芒果拿破崙嘅芒果亦都夠甜，拿破崙亦夠脆。
Coffee or Tea
除咗一般嘅咖啡或茶，佢可以唔需要加錢配Cappuccino，latte或者Earl grey tea。如果沖茶，佢會連茶壺上，另外Cappuccino亦整得唔錯。
$699二人，就有6個full course。有啲菜式，特別係冬陰功意粉，甚有質素，個人覺得幾值。
張貼
