呦呦鹿鳴布丁燒

營業中

休息中

葵廣出名多好嘢食，特別係最頂果層。次次經過呢間布丁燒，門口都會好多人聚集。不過之前覺得價錢有少少貴，所以一直冇試過，不過見到咁多人推介，就一於今日買嚟試吓啦。鋪頭嘅裝修好靚，門口畫左好多唔同嘅畫，好適合打卡。而啲布丁燒就放晒喺雪櫃度，任君選擇。每個都整得好精緻，而且面頭畫嘅圖案都好靚。本身見到呢個回魂布丁燒好似好吸引，但係最後都係揀咗雲呢拿布丁燒。一食落去嗰種雲呢拿味好香，同個布丁燒好夾。本來我以為布丁燒係同布丁同一樣嘢，食落先知有分別嫁。不過我唔知點樣形容，布丁燒係好味同特別好多。你哋想知有咩分別，就要自己黎試吓啦。雖然價錢感覺上係有少少貴，不過係值回票價。我下次經過都會再買黎食啊。原來呢間布丁燒仲會接謝師宴，或者百日宴嘅單，遲啲辭職果陣買散水餅都會黎呢間呀。