祥利車仔麵 (西洋菜南街) (已結業)

作為香港人點可能冇食過車仔麵？中意車仔麵系因為要食咩完全系隨心所欲，餓底食大碗D又得，想試多幾個餸又得，想食少少嚟個淨餸又得。今日試嘅哩間祥利車仔麵，無論從裝修到食材行嘅系新派路線，以木系裝修為主，食物除咗傳統港式風味，仲加入日式元素，湯底同日本拉麵一樣用大量豚骨豬皮加配菜熬製，都幾特別！三餸車仔麵($38起)，因為今日吾算餓，所以點了淨餸，其中最吸引莫過於可以揀選原件花膠，真係女士恩物。花膠入口軟身又吾會韌，浸泡在湯頭中非常美味，可以補腎補肺、滋陰養顏，在車仔麵店食到實在有驚喜，建議嚟食嘅一定要試下~其次系日式叉燒，入口嫩滑，肉味香濃。晚市九格定食($108)，哩個九宮格非常特別，首先賣相已經吸睛，充滿日本風，最適合想試多幾味但系又驚太飽嘅人~而九種食物分別為豬手、豬軟骨、醉雞翼、墨魚餅、溏心蛋、花膠湯、秋葵、冬菇、蘿蔔，仲跟烏冬同白飯各一，種類多樣，真系大滿足~花膠湯裡面係原塊花膠，唔會太鹹又滋補，而豬手同豬軟骨就膠質豐富兼肥美，補充骨膠原岩曬喇！另外個溏心蛋都絕對系超班之作，有驚喜！小店坐落西洋菜街，位置便利，行過路過可以一試~