雲陽 (已結業)

呢一日好肚餓，坐低見到枱面有兜爆谷，首先係覺得莫名奇妙，但試咗之後就食到停唔到口！好新奇嘅味道，甜甜哋辣辣哋好好味呀！我對呢間餐廳嘅餐具印象都幾深，好摩登辣椒形筷子座，好襯川菜［魚香茄子酥，$42］好特別嘅配搭，外皮酥脆，不過個餡冇乜魚香味，只有茄子味［水煮魚片，$198］面頭嗰堆蒜蓉可以依自己喜好撈入去或畢走，對怕口臭嘅人好貼心魚片都幾滑溜仲有好多大豆芽，不過就唔夠辣［雙椒炒土豆絲，$98］雖然有辣椒同花椒呢「雙椒」，但都係唔太麻唔太辣，有少少失望［火焰香橙荳腦，$42］送上嚟嘅時候先淋上著火嘅橙酒酒，燒完就食得。豆花幾滑幾有豆香，以甜酒代替平時嘅黃糖水都幾特別，不過個香橙肉太太太甜［青花椒雲呢拿雪糕，$58］鐘意麻辣嘅我對呢個花椒味嘅期望好高，點知食落只係雲呢拿同淡淡嘅香料味，不過雪糕都算滑（雖然入面有啲花椒碎）［酒醉天椒朱古力雪糕，$58］以為因為係甜品，所以唔會做得太辣，但我哋估錯哂。口腔入面食到嘅主要係好濃嘅朱古力味，唔係好感受到個辣味，但吞嘅時候喉嚨椗有少少被燒嘅感覺，辣呀所以我覺得兩款雪糕中呢個比較出色啲餸可能係為咗迎合香港人口味啦，整體唔夠辣，鐘意食辣嘅話一定要叫加辣