漫花燈火OMG (已結業)

知道公司附近有間叫漫花燈火OMG，長期都好多人排隊。難得今日比較少人，梗係即刻入去食飯！呢度嘅每樣食物同裝修都好吸引，但我最鍾意嘅一定係呢幾樣🤤✔️西班牙伊比利亞辣肉腸白酒忌廉煮藍青口配牛油多士💯🥃白酒嘅味道剛剛好辟除左海鮮🐚嘅腥味，忌廉汁就令到青口嘅味道更突出。再加左辣肉腸🍗係入面，令到整體嘅味道更加提升！✔️脆脆牛肝菌野菌意大利飯💯煙煙韌韌嘅意大利飯🍛索晒蘑菇湯汁🍄，味道香濃美味，連埋炸到非常香酥嘅牛肝菌🍄一齊食。口感變得非常豐富。✔️FIKA💯呢個甜品好似幅畫咁別緻😍，入面分別有豆腐慕絲🍰+杏仁蛋白脆餅🥧，抹茶金寶🍵同紅豆蓉🫘＋自家製牛奶麻糬🥛。呢幾樣食物嘅配搭恰到好處，唔會覺得好漏！唔鍾意食甜嘢嘅我都覺得好味！✔️羅浮圓宇宙💯圓碌碌嘅檸檬柚子🍋蛋糕，外面係檸檬蜜糖乳酪慕絲🍯，而入面就係海綿蛋糕🍰，忌廉，柚子醬同柚子味啫喱🍧。味道唔會好甜，但就有一種清新嘅感覺。