德發小廚 (已結業)

今日朋友介紹黎依間食野,佢話千奇唔好覺得佢唔乾淨,我自己本身就無問題,聽講最特別既在於佢有埋甜品,咁我自己都好好奇,而且聽落都幾有趣。咁朋友叫得我地就緊係佢發板,首先就係一個豉椒聖子,佢份量都夠既,因為好大隻嫁隻隻都,大大隻得黎唔會話太膩, 最緊夠新鮮,唔會話太多汁,而且好香成個味道,有時D地方太多豆豉會唔好味,依到就岩岩好,如果有得辣多少少就正。之後就一個炒飯,好夠鑊氣個飯,唔係普通既茶餐廳貨色,好夠火喉,無令到我失望,炒到夠乾身又唔會話無哂水份,最緊要係價錢十分十分公道。最後就緊係食依到既甜品心太軟,真係好好奇到底點解會有甜品食,真係認真好有趣, 唔知應該抱咩心態去食,不過用價錢去同出1面平實在公道公道, 咁當然要試下,賣相絕對唔比出面差,仲講得上係靚,朱古力味我就覺得佢唔太甜,不過我自己食就岩岩好,而且佢都做到流心,不過就差少少熱,不過整體黎講我覺得夠哂水準,最緊要係D小菜好味道。