影片
更多
2023-09-29
2070 瀏覽
今次係第二次幫襯，第一次食覺得普通，只是冷氣夠凍。事隔兩年再光顧，首先講吓啲嘢食，今次兩人叫左1.蝦餃，大粒但偏咸2.上素野菌腸粉，少餡料3.雞包仔，一般4.小籠包，唔好食，唔推介5.流沙芝麻球，已經擺到凍曬唔係新鮮，唔可以話係流沙，餡料偏小食完兩個鐘之後都會口渴。呢餐兩個人食左$194，門口收錢呀姐黑口黑面態度係臭串，俾完錢，等左好耐都唔俾返張單嚟，因趕住去買嘢，攞完張單返到屋企先攞返出嚟睇，一睇就知唔妥，成張單都係收正價價錢，不是下午茶價錢，但今日明明係星期五亦不是公眾假期。呢間茶樓係寫明星期一至五(星期六，日公眾假期除外)，1:45到4pm係下午茶時段，本人係星期五兩點左右就入座，之後他們提供的是下午茶價錢點心紙，亦沒有人提醒或貼出任何海報話今日冇下午茶，有什麼特別收費，由於滿腦疑問，於是打電話去問。第一次打去，有個呀姐聽，問佢今日有冇下午茶？佢話有，然後我話咁點解我今日嚟飲下午茶會收正價，佢就答唔到，依依哦哦，話唔清楚，然後叫我留電話，話要問同事但他去左食飯，要轉頭覆我。ok，我等，如我所料係冇覆電話的，等左個幾鐘之後，我再打電話去，又係果個呀姐聽，知道係我之後就話寫錯左一個
今次係第二次幫襯，第一次食覺得普通，只是冷氣夠凍。
事隔兩年再光顧，首先講吓啲嘢食，今次兩人叫左
1.蝦餃，大粒但偏咸
2.上素野菌腸粉，少餡料
3.雞包仔，一般
4.小籠包，唔好食，唔推介
5.流沙芝麻球，已經擺到凍曬唔係新鮮，唔可以話係流沙，餡料偏小
食完兩個鐘之後都會口渴。
呢餐兩個人食左$194，門口收錢呀姐黑口黑面態度係臭串，俾完錢，等左好耐都唔俾返張單嚟，因趕住去買嘢，攞完張單返到屋企先攞返出嚟睇，一睇就知唔妥，成張單都係收正價價錢，不是下午茶價錢，但今日明明係星期五亦不是公眾假期。
呢間茶樓係寫明星期一至五(星期六，日公眾假期除外)，1:45到4pm係下午茶時段，本人係星期五兩點左右就入座，之後他們提供的是下午茶價錢點心紙，亦沒有人提醒或貼出任何海報話今日冇下午茶，有什麼特別收費，由於滿腦疑問，於是打電話去問。
第一次打去，有個呀姐聽，問佢今日有冇下午茶？佢話有，然後我話咁點解我今日嚟飲下午茶會收正價，佢就答唔到，依依哦哦，話唔清楚，然後叫我留電話，話要問同事但他去左食飯，要轉頭覆我。ok，我等，如我所料係冇覆電話的，等左個幾鐘之後，我再打電話去，又係果個呀姐聽，知道係我之後就話寫錯左一個號碼，所以打唔返俾我，好明顯係耍我，宜家有咩電話係冇來電顯示，咁我問佢問到點解未？佢都係不斷重覆講係有下午茶，但就冇答點解係收正價，我就話今日係平日星期五不是星期六，日，亦不是公眾假期紅日，佢俾我問到佢答唔到，於是就開始發爛渣，到最後佢竟然話今日係特別日子會收貴啲，佢話今日係中秋節，有下午茶但會收貴啲，我話點解入座時冇人講？然後提供的是下午茶價錢的點心紙，佢就不斷發爛！都可以幾肯定聽電話係收錢個臭串呀姐。
呢間簡直係black店，同你講係有下午茶，俾下午茶點心紙，但收錢係收返正價，真係恰你地班友唔check單，基本上係唔會俾你check到單，我俾完錢佢都冇意思俾返張單你，唔係自己出聲叫佢俾返張單嚟，佢都唔會俾你！唔掛之得排隊俾錢時，排係我前面俾錢果個人有同呀姐嘈左幾句，但聽唔清楚佢地嘈咩。
總結，食物水準普通的black店，亂收費嘅慣犯。此店提供虛假商品說明的貨品或服務、不良銷售手法，永遠不會再幫襯。祝早日執笠。
張貼