香港地 (已結業)

經常都要等位，不過今日只係等左一陣就有位。個商場好多人，天氣又熱，似乎冷氣唔係太夠。呢度用料同烹調一如既往都係比普通茶餐廳冰室特別，而且幾好味。頭抽乾炒M5澳洲和牛炒河粉 - 好特別嘅鼓油味，好有牛味易咬嘅牛肉，好正！係有別於平時餐廳腌到太淋嘅牛肉。香港地重量級咖哩豬扒飯 - 估唔到重點唔係個咖哩突出，而係個炸豬扒。好有鹽酥味，好香。咖哩香料不足，係少辣嘅普通咖哩。奶茶香濃幼滑過一般茶餐廳，而咖啡係即磨都ok好飲。