沛公甜品 (已結業)

同班fd係附近食完飯，佢地仲想坐係度傾計，但係我就話唔想飲酒，所以就一班麻甩佬去左食糖水勒。呢一間野之前聽過最出名係榴槤，所以我都想試下，就叫左呢個榴盤嚟試勒。呢個榴盤係有榴槤法式燉蛋、榴槤千層班戟同埋榴槤糯米糍。可惜嘅係，今日無榴槤糯米糍，所以我就換左個腸粉俾我~ 等我可以食到一個叫做係特別版嘅榴盤。先講呢個榴槤法式燉蛋，裡面嘅蛋都算滑，而且除左面層嘅焦糖外，其實都無乜點落糖，因為本身榴槤都好甜，所以無太漏嘅感覺。不得不介紹嘅係呢度嘅榴槤千層班戟，我成日覺得好似好考功夫嘅一道甜品，因為要班戟皮做得夠薄，又要每一塊滲透香濃嘅蛋香實在不易，而呢度我覺得做得唔錯，賣相又唔差，加上榴槤真係好滑，完全成唔停口。就咁單買一件都要成$88 ，睇嚟貓山王榴槤係名不虛傳。呢個就係特別版嘅榴槤腸粉，首先佢個皮我覺得厚左少少，同埋有少少hea底，不過都算做到個腸粉嘅形出嚟，入面係榴槤肉，不過我覺得其實兩者唔係好夾..... 我個fd子叫左另一個甜品我又痴啲嚟食，試下佢地嗰啲嘅芒果類甜品，叫沛公主義，哈! 個名真係搞笑....佢裡面個內容有楊枝甘露、芒果糯米糍、芒果法式燉蛋同埋雲中落日。呢個楊枝甘露嘅奶味比