Caliente

營業中

休息中

放工約人係尖沙咀食飯，七點半嘅尖沙咀搵位真係好難，到處都滿座，放工已經好攰，仲要排隊食飯，友人忽然諗起諾士佛臺食過間唔錯嘅墨西哥🇲🇽菜，就帶咗我地嚟試下，一出𨋢就聽到熱情奔放💃🏻嘅歌，但餐廳環境都比較偏暗，睇 menu 時真係要開電筒🔦先睇到。友人強烈推薦食墨西哥🇲🇽卷🌮，有牛肉🐮、雞肉🐔同魚🐟揀，貪心嘅我當然點晒三樣啦，小小嘅卷🌮包住不成比例嘅配菜同肉，一邊食啲料就一邊掉，食得有啲論盡，牛肉煮得比較香再配上濃濃嘅汁，係我嘅最愛，友人則推薦配上特色醬料嘅雞，充滿異國口味。雞肉沙律🥗亦係友人最愛，沙律用咗脆餅做碗，食時加上煎香嘅雞肉🐔同牛油果🥑，牛油果🥑將雞嘅油膩沖淡，一齊食時味道就最適中喇😋。另外點了一個肉卷，初時上菜時大家都好疑惑🤔係咩菜式，切開先知係類似麵包包住肉🍗嘅肉卷，不過味道偏咸，配上所附嘅醬料亦都減輕唔到咸味，大家都敬而遠之呢道菜🤭。