Oliver's Super Sandwiches (已結業)

今晚黎到Yoho mall行下街,行到咁上下當然要醫下肚,係二期地下見到呢間Oliver'sSuper Sandwiches 個裝潢幾吸引,開放式既設計,帶點英式風情。而同行者話食過覺得呢到既食物都可以,我就二話不說坐低 (因為行到好累xDD)雖然,睇佢個名就估呢到應該係三文治最出名,而上Openrice就見好多人又推介佢既焗薯,但終我兩樣都無order。反而好想試下佢既意粉,特別係呢一個$66挪威三文魚蜆肉刁草忌廉汁拼肉醬扁意粉 +奶茶,見意粉個名好似好西利咁,而個樣有小小似茶記/酒樓既鴛鴦焗飯一紅一白,未食就分泌口水。然後再Order一個$56炸魚薯條+咖啡。$66挪威三文魚蜆肉刁草忌廉汁拼肉醬扁意粉 +奶茶。雖然賣相好一般,流唔到口水,但係整個set望落去好舒服,個杯好似屋企個杯。而個我個好鐘意佢杯上既字句,我諗都係間公司既信念: Eat is your life. Eat is hot. 份量方面足夠我食,雖然賣相唔靚,但味道相當可以, 醬汁比得唔少氣, 肉醬味道正常,但刁草忌廉汁好香,兩隻完全唔同既味道唔會互相覆蓋,蜆肉好多,差唔多有成10粒(好好彩)。挪威三文魚片就相對少。