Antoshimo Cafe & Bakery (已結業)

經過門口見到張menu覺得幾特別同價錢適中就入左去試。我係烏冬愛好者所以揀左岩鹽蒸雞明太子忌廉烏冬。我覺得個份量係足夠。啲烏冬煮嘅時間啱啱好，軟硬適中有口感，啲忌廉汁都唔會太水，但就冇咩明太子其實。啲雞唔係白切雞甘，係有餣過，仲幾入味下，而且啲雞係嫩嘅。同埋我係無菜不歡嘅人，呢度每個飯同烏冬都係有菜配埋，而且份量都唔少。亦叫左杯忌廉抹茶豆乳，唔太甜，抹茶味唔算濃，但豆乳味就幾濃，如果抹茶味可以濃反少少就好。