武士拉麵 (已結業)

有一晩睇到個youtuber係日本食沾麵即刻勾起我條癮😭😭😭好想飛去日本，無辦法唯有係香港頂頂癮先~尼間舖個feel同間格幾日本，都係一行排排坐，再自己圈食乜，師傅再係前面放碗麵係你個位🤗我叫左武士沾麵，湯底、麵條、麵質都係揀左普通。一上枱個沾麵湯好夠熱，份量感覺剛好，但佢有個唔好處係冇得揀走蔥！而無論係湯同碗麵都勁多蔥.....撩到我放棄了照食🙃魚介湯有驚喜，食到魚同柚子味但wasabi欠奉，另外加左d魚油更香，比起某d沾麵店唔算好咸但都偏咸，重口味人先好食喇因為之後會口渴。曲麵算彈牙，紫菜小淋，叉燒唔肥帶有炭香之餘有d黑胡椒香氣，岩我口味😀坐左係餐廳最入係冇冷氣的，一路食一路抹汗，街仲涼過入面。另外放係枱面嘅辣椒油兜個邊位有d發霉，小心hi到