影片
更多
2012-10-28
1912 瀏覽
大約响兩個禮拜前，我媽就已經為我呢個寶貝壽星仔，準備左個特別生日派對。一到步接待員就好有禮貌咁招呼我地，帶我地入房。如果唔係有人帶，根本唔會留意到房門响邊度，因為個房門設計同牆身幾乎一樣。推開房門，嘩。。。真係好鬼大間呀！開個小型party都真係綽綽有餘！一邊就好似客廳咁，有套靚靚大梳化，前面係張長雲石枱，有大電視連卡拉OK，又有得睇收費電視同足球直播，仲有電腦同WIFI上網服務。另一邊就係飯廳，足足可以擺兩圍大枱，有個獨立廁所（好乾淨），電動麻雀枱就當然唔少得啦（媽咪至愛）！總之想點玩就點玩，無得頂呀！我地大人細路加埋差不多二十個，一圍大人一圍細路，都不知幾熱鬧！因為菜式比較多，只好介紹幾款我like同唔like嘅比大家分享一、賽螃蟹二、黃金蝦球三、百花蒸釀豆腐四、發財就手五、鮑片野菌扒時蔬六、客家鹽焗雞七、上湯浸菜心食飽飽就更係要氹下D老人家啦！卡拉OK時間到，最後大家都盡慶而歸，多謝我個好媽媽！
推開房門，嘩。。。真係好鬼大間呀！開個小型party都真係綽綽有餘！一邊就好似客廳咁，有套靚靚大梳化，前面係張長雲石枱，有大電視連卡拉OK，又有得睇收費電視同足球直播，仲有電腦同WIFI上網服務。另一邊就係飯廳，足足可以擺兩圍大枱，有個獨立廁所（好乾淨），電動麻雀枱就當然唔少得啦（媽咪至愛）！總之想點玩就點玩，無得頂呀！
我地大人細路加埋差不多二十個，一圍大人一圍細路，都不知幾熱鬧！因為菜式比較多，只好介紹幾款我like同唔like嘅比大家分享
一、賽螃蟹
二、黃金蝦球
三、百花蒸釀豆腐
四、發財就手
五、鮑片野菌扒時蔬
六、客家鹽焗雞
七、上湯浸菜心
食飽飽就更係要氹下D老人家啦！卡拉OK時間到，最後大家都盡慶而歸，多謝我個好媽媽！
題外話/補充資料：
環境服務都幾好，餸菜味道同一D五星級會所可以媲美，上菜時間可以再控制得好D就perfect！D餸個份量多番少少就好D,碟頭細就可以叫多三兩個餸，各人喜好啦！
(以上食評乃用戶個人意見 , 並不代表OpenRice之觀點。)
張貼
