影片
更多
2024-12-27
98 瀏覽
聖誕節，係一個好好嘅原因去食好嘢，見下愛嘅人，亦都獎勵下自己過去一年嘅努力！呢晚去咗Oouli，走香港少見嘅韓式fine dining路線，而且主打韓籍大廚嘅釜山家鄉美食，好有新鮮感！餐廳環境都好靚，由於位於銅鑼灣Sugar+高樓層，所以窗邊落地玻璃可以坐擁維園及維港壯麗景色，景觀一流。臨近節日，餐廳亦換上聖誕佈置，充滿氣氛。Oouli全部海鮮及食材都係韓國直送，最特別嘅係呢度嘅米，竟然係自家韓國農田種！原粒韓國珍珠米新鮮剥殼，再用蒸飯機在客人席前蒸煮，所以Tasting Menu有多款菜式都以米入饌，如 ：釜山粥、人參雞湯飯、珍珠米飯配鰻魚湯等！ 9-courses Tasting Menu ($1480pp)Oouli Bu Gak紫蘇油炸及三次風乾的釜山海苔及濟洲海藻兩款紫菜味道及風格都好不同，海苔味道突出，紫蘇油好香濃！Jagal -Chi刺身拼盤，三款都係來自韓國－－左口魚刺身、72小時醬油大蝦及醬油三文魚。雖然個人都係覺得日本刺身好食D，但將刺身配撘韓式辣醬一齊食都係幾特別嘅配搭！Deul Kkae - Juk韓國當造特色蔬菜、韓牛、新鮮蜆肉、及自家大米15小時以上烹調天氣
Oouli全部海鮮及食材都係韓國直送，最特別嘅係呢度嘅米，竟然係自家韓國農田種！原粒韓國珍珠米新鮮剥殼，再用蒸飯機在客人席前蒸煮，所以Tasting Menu有多款菜式都以米入饌，如 ：釜山粥、人參雞湯飯、珍珠米飯配鰻魚湯等！
9-courses Tasting Menu ($1480pp)
Oouli Bu Gak
紫蘇油炸及三次風乾的釜山海苔及濟洲海藻
兩款紫菜味道及風格都好不同，海苔味道突出，紫蘇油好香濃！
Jagal -Chi
刺身拼盤，三款都係來自韓國－－左口魚刺身、72小時醬油大蝦及醬油三文魚。雖然個人都係覺得日本刺身好食D，但將刺身配撘韓式辣醬一齊食都係幾特別嘅配搭！
Deul Kkae - Juk
韓國當造特色蔬菜、韓牛、新鮮蜆肉、及自家大米15小時以上烹調
天氣凍，食粥特別暖胃！釜山粥比廣東粥更加濃稠，而且以新鮮蜆肉高湯熬製，味道鮮甜，而韓國粥有一個重點，就係芝麻油，呢度嘅芝麻油芝麻味好香，口感好滑，韓國米餅脆片增添香脆嘅口感。
Han - Ip
章魚片、韓國橡子果凍配炸豆腐鱈魚籽三文治
韓國橡子果凍切成菊花狀，盡顯刀功，味道帶酸，清新開胃。炸豆腐鱈魚籽三文治外脆內嫩！
Bo Yang -Sig
韓式參雞湯燴飯
飯粒好綿，上枱後店員再噴上人蔘酒，增添酒香，味覺及嗅覺享受！
Jili - Tang
海鮮清湯配烤釜山鮑魚
海鮮高湯味道清甜，打成泡沫多了輕盈嘅口感，釜山鮑魚彈牙爽口，碟邊灑上韓式辣椒粉，增添風味。
主菜 Jan Chi +$180
烤韓國頂級1+＋韓牛
韓牛肉質柔軟juicy，肉味香濃！
烤釜山鰻魚
鰻魚肉質結實爽彈，帶辣嘅海鮮醬好醒胃！
JinSu - Sung Chen
釜山自家農田珍珠米飯配48小時鰻魚湯加五種時令釜山伴菜
不愧為店內招牌！唔好以為平平無奇，係我食過最好食嘅白飯！白飯米香十足，口感好綿，好好食！另外仲有五款時令釜山伴菜，每款都好送飯！
Hu - Sig
糯米年糕窩夫餅配自家製Vanilla 雪糕
有D似麻薯，外面焦脆，內裡軟糯，同雪糕一齊食，冰火交融，好滿足嘅一個甜品！
張貼
