四川菜大平伙 (已結業)

今日約左朋友去大館，所以要係附近搵食，其實有時好怕去呢頭附近，因為路窄又勁斜路，人又多，啲遊客不停係度影壁畫，阻礙行人，但又因為咁我就發現左四川大平伏，說實在餐廳嘅裝修好似畫廊，有好多藝術品，如果你唔細心留意你根本唔知佢係餐廳，所以令人不敢內進，但當你入到去就發覺裝修好特別，座位闊落坐得舒服，週圍都係一些可售嘅作品，可以一路用餐一路欣賞畫作，好特別，相信都係香港第一間融入藝術品嘅餐廳。我地入座時間係午市，所以有午餐供應，四川應該食辣嘢，但我朋友不想太辣，店長都會同廚房講盡量唔辣，呢方面好細心同有彈性抵讚。講返食物我地揀左宮保雞丁，上枱已經賣相精緻，唔似得其他食肆般好油膩，食落仲驚喜，腰果菜脯好惹味，雖然佢做到唔辣，但又出奇地好惹味令到會不停食，有驚喜。魚香茄子做法幾特別，甜甜地，料又足夠，比起其他食肆特別及好食。