Noodies (已結業)

約了去西營盤睇牙，自己好少來呢區，所以事先上網搵下附近嘅餐廳，呢間新潮麵店幾吸引我，因為麵嘅配搭幾特別，而且份量唔大，對我剛剛好去到店面細，招牌搶眼，店內比較簡單，面向開放式廚房或向街座位十個， 當時只有1個客！店員（睇單係經理）比咗張好像車仔麵落單紙比我， 可自選或點店家訂咗嘅麵款， 我問完店員食物， 落好單佢入埋廚房幫手！香橙薏米水（跟麵加$9）是日特飲，夠凍，薏米好香，不過唔覺有橙味（雖然淡淡橙色）味道微甜！唔計橙味嘅味道好！廣島蠔溏心蛋秋葵昆布麵叻沙（$81）加加埋埋價錢一啲都唔平（我加昆布麵要加$20）幾喜歡蔥、芽菜、芫茜等可以揀份量（我要大量）賣相靚仔，昆布麵店員介紹全昆布打成（提醒我會有微腥）麵身超幼，又唔會浸淋，掛湯好好，有咬口又爽口，正！秋葵大條無煮淋，仍然爽口，入面粒粒卜卜脆好味，溏心蛋原隻上，𠝹開蛋黃流心，蛋白彈牙，好嫩滑！廣島蠔3隻又大又嫩滑，新鮮好味！湯底杰身夠濃微辣，微微椰香，好香，配菜豆卜索晒湯，最喜歡芽菜係銀芽，爽嫩好味！滿分！唯一男店員好貼心，我問嘅食材飲品問題佢詳盡介紹，又走出走入幫忙廚房手，店家細心，可以借用圍裙，食材睇得出想行突破！配搭特別之餘，