Hugo Le Resto Grill (已結業)

銅鑼灣食飯，用apps 訂位有折扣，選了這間餐廳一試。我們要了蘑菇湯及龍蝦湯，不過不失，但如果味道再濃些會更好。餐包幾特別，一人一件，試了蒜蓉包及黑炭包都好食。散叫了煙三文魚沙律，一般啦，份量較細份。似跟餐的份量，而唔係散叫的份量吧！主角牛腹排出場，鐵板下有小蠟燭保溫，要了medium well, 但可能鐵板關係上枱已經熟哂，所以肉質有點鞋了，但都有牛味。不過沒有想像的好食。所以下次都係要medium就好。這個紐約客牛排反而比牛腹排嫩滑，這個牛味香，好食。等了一段時間才上薯條，但薯條是新鮮香脆的，只是比較咸。餐茶忘記影了，但整體都是一般啦，今次沒有食佢的沙律bar, 但性價比來說，同區有更好的選擇。