Hugo Le Resto Grill (已結業)

好味指數：🌟⭐️⭐️抵食指數：🤑🤑🤑銅鑼灣揀餐廳食飯除咗諗食咩仲要諗坐得舒唔舒服，我自己唔太鍾意坐得逼又有strict嘅用餐時間，而呢間餐廳就喺SOGO附近，但空間夠大又唔會點趕人走，而且除咗主食仲可以揀埋自助沙律吧，適合想飽餐一頓又想食啲菜健康啲嘅朋友✅美國頂級牛腹肉扒熱辣辣新鮮上菜，擺上台嗰陣仲有熱氣出，同埋插住支美國旗有種食兒童餐嘅感覺😂好得意叫咗medium，連埋鐵板上到嚟其實已經去到medium well，而且下邊有小蠟燭保溫所以要注意火候，食落幾香牛肉味，肉質有咬口，唔韌亦無乜筋，同佢個Gravy做得幾濃郁，同佢嘅牛扒好夾；薯條都係新鮮炸起，同係我鍾意嘅粗薯條

當天約19:00訂位後，店員致電確認21:00的訂位，並說明餐廳會在21:15 last order，並因應政府要求所以需要在22:00準時離開餐廳。我清楚明白，並於21:05抵達餐廳。在21:45因為男店員前來跟我們說要關店了，21:50開始熄燈熄冷氣，明顯趕客走，並跟我們說要關店，請我哋離開。我跟他們說，他們有啲店員曾經致電，並表明22:00離座，所以我認為可以坐多幾分鐘，完成剩餘的幾啖飯菜於22:00前離座就可以。而當時的男店員回覆：「唔緊要㗎ok㗎，嗄，犯法咋嘛，你哋可以坐，慢慢，犯法罰錢嘅係你地，我同咗你哋講㗎啦，犯法係你地。」（最後我和朋友於21:55離開）如果餐廳不接受咁遲嘅訂位，令到佢哋要遲收工，就不應該在你地的系統設置該預訂時間。或，他們認為我哋選擇的折扣太高，也應該重新審視提供預訂的折扣。如果該名男店員能有禮貌的說明原因，例如餐廳希望預早關門，我們絕對願意配合，但不可能電話與餐廳的員工有兩套的說法。

唔知點解全場只有五檯客⋯但要等三十五分鐘先嚟到個西冷牛扒虎蝦餐⋯來到後牛扒同大蝦都係暖嘅⋯$300嘅牛扒餐但覺得食落係$70貨仔5成⋯牛扒叫五成熟變咗九成熟⋯另外兩份叫七成熟變咗全熟⋯自己係屋企煮好食佢多多聲⋯全晚最好食嘅係薯條😄不知所謂⋯唔會再有下次⋯同家人慶祝生日食啲咁嘅垃圾食物⋯⋯浪費時間同個胃⋯點解好地地比d正常啲既食材比客人唔得？係都要做到咁cheap….唔好咁樣做衰個名⋯本來生日會影下相留念⋯⋯但對住啲咁既質素嘅食物真係影唔落⋯唔信既自己去試吓！

呢間餐廳我book mark左一段時間今晚就決定過去試下星期日嘅晚上七點 大概有3,4台我哋三個人，叫咗一個二人餐同埋一個A La Carte A La Carte餐牌50% off，二人餐又做promotion ，原價9百幾蚊 而家$468，openrice 訂位仲送鵝肝兩客🤤未岀發先興奮餐湯🥣龍蝦湯熱辣辣而且味道濃郁，暖下胃 正 沙律吧 都唔馬虎，有蝦又青口我食左好多秋葵😋鵝肝入口即溶，想再食多兩舊🤩🍴主菜 1. 紐西蘭一級肉眼牛扒配黑椒汁肉質好嫩啊 7成岩岩好 完全唔洗點汁 滿足🤤🍴主菜2. 烤英國保濕豬扒配蜜糖紅酒汁自問喺餐廳好少食豬扒 因為都係驚佢會”鞋”🙈但呢個豬扒真係幾juicy，唔鞋口 又唔蘇果然 「保濕做得好皮膚靚🤣」👍🏻👍🏻🍴A La Carte - 香脆軟殼蟹配黑松露芝士飯 $268 作為軟殼蟹控嘅我，一見到餐牌唔使諗一定係嗌哩個😻😻隻蟹炸得好香脆之餘，個飯食落岀奇地唔太肥膩wor🧐 雖然個飯好大，不過三個人一人試d都啱啱好。甜品方面我哋散叫咗個心太軟， $98流心，普普通通，不過有啲甜甜地作為完結都係開心嘅。三個人晚餐係Cwb 每人都係二百幾蚊又有鵝肝龍蝦湯我覺

我們在2021.6.30用餐，剛巧看到有個$500以內的二人餐，包含龍蝦湯、自助沙律吧、2份主菜、咖啡/茶，於是訂座一試，味道很不錯！🤗要讚賞一下這裡的服務員，無論是接電話抑或面對面的招待，都非常有禮貌，值得一讚👍！

同朋友見到呢間野做緊promotion就諗住黎試下龍蝦湯非常非常咸 我地兩個都飲咗幾啖就冇飲男店員過黎收碟嘅時候就有問我地係咪唔啱飲可以幫我地轉蘑菇湯 雖然我地冇轉到 但佢態度真係幾好👍沙律bar (要另加錢)冇咩好食 其實我冇興趣 係朋友話想試下😂個蝦幾大隻鮮甜 全晚mvp😂其他就正常 冇乜特別特別提返青口佢係加咗甜酸醬可能因為唔夠新鮮 驚人食得出太腥我自己就唔敢食啦 鵝肝toast正常 冇咩特別個扒就係重點講下啦個蝦係好食嘅但作為一間扒房 連一塊扒都可以煎唔掂真係好難接受我同朋友叫咗medium同medium rare都好難咬個牛扒汁亦唔好食成塊扒(漏)到淨係食咗一半就濟點知食完半個鐘又肚餓特別提返 餐廳係將medium同mediun rare塊扒調轉咗比我同朋友明明朋友係叫medium 但佢塊扒仲生過我心太軟好食 唔太甜 幾好我見間餐廳係嚴重人手不足所有樓面嘢都係由一位男店員一腳踢但佢真係好好禮貌亦好好笑容所以嘢食咁劣我都未嬲話曬加埋一都350一位但完全唔知自己食咗咩落肚😅

某一日食肉嘅慾望突然好強烈🤤，即刻上網睇吓有咩扒房係抵食！Openrice見到呢間”Hugo Le Resto Grill”，好似長期輪流做緊五折或套餐好抵嘅優惠，連app都係，忍唔住又試一試伏唔伏🤨！兩份扒一上枱有啲O嘴，隻碟係好大嘅，份量真係細到⋯雖然質素幾好，結果食完主菜都係要繼續添食沙律吧😂不過值得一讚係幾名店員叔叔都好貼心👨🏻，主動問我哋要唔要碟分開食，又問我哋係咪有餐飲未到💬，離開時仲提我地記得拎齊搓手液，值得欣賞。————————————————👅Dinner for two（$468）🔸干邑龍蝦濃湯 配 餐包👍🏻湯有濃郁龍蝦味🦞，口感濃稠 Creamy，底下有蝦粒，不禁猜想係咪出邊沙律吧的蝦🦐👍🏻細心位係麵包碟都係熱嘅，煙肉餐包脆脆軟軟好香口，蒜蓉包係外殼硬🥖，內裡煙韌，如果餐包都可以任食就好啦！反正主菜唔太夠飽🙈🔸自助沙律吧👍🏻門口有個小型沙律吧係任食嘅，除咗有沙律菜同生果，仲有凍蝦同泰式甜辣醬青口，鮮味唔太突出，但整體都食得過嘅👎🏻沙律吧喺大門口同Reception之間，亦都會有客人經過，始終依家都係熱情期間，如果有蓋可以蓋住食物會衛生啲🔸扒美國(IBP)有骨豬鞍配

今日保險經紀約我簽張保單，所以佢早一日在網上搵到一間西餐廳，環境唔錯，又夠安靜，但自己在銅鑼灣返左9 年工，都無注意到呢間西餐廳，有少許可惜！所以希望寫完編食評之後，多d人注意一下今次我地都叫左set lunch !一個卡邦尼意粉，另一個就係牛扒（7成熟）首先，有個自助小型沙律Bar ...將自己鐘意食既...放在一堆！（年紀開始大，鐘意食生洋蔥🧅）卡邦尼😍😍有好重既芝士味，忌廉汁夠多，最怕食意大利粉唔夠汁，加上我係醬神，咩都要多汁多醬牛扒，薯條唔差

今日是彿誕，在沒有打算下和男朋友提早慶祝生日，本來預約了日本菜，但係想到沒有甜品慶祝好像少了什麼的，便改吃西餐。這裡食物味道很不錯，賣相也很好。服務員非常有禮貌，殷勤、細心的服務態度值得加許，主動幫忙加水，收拾枱面、幫忙拍照，還有在甜品上加生日字。不像其他一些餐廳，每次都是叫他們做才做。雖然這些小事情，但個人覺得很貼心。餐廳地點也相當方便。餐廳內環境裝修雖然不是很豪華，但也非常舒服，播放着一些古老的英文歌也挺不錯的。特別適合情侶或朋友。還有一個特別點讚的，就是請他們幫忙充手機電，他們完全很樂意的幫忙，放在他們櫃檯裏面充電，甚至電話線壞了，也叫同事立刻到樓下買一條新的回來替我充電。(我之後才知道，我也覺得真的不好意思！)

女朋友生日前一日去左依度食飯，原先都沒咩特別安排 因為諗住正日先同佢慶祝上到去地方好舒服 我點左個openrice優惠套餐 沒諗過店長好體貼咁用朱古力整左個happy birthday碟比女朋友 十分感動😁

今日黎到銅鑼灣食午餐餐廳幾闊落 所以都算坐得幾舒服🙈我同朋友order左一份set lunch同埋一份牛扒大家share🙈set lunch包一碗番茄濃湯湯入面有好多番茄蓉 勁足料湯嘅味道酸酸地好開胃🍅跟著仲有個蔬果沙律沙律普普通通 冇咩特別😂Carbonara 幾creamy味道唔錯 但唔算好出色牛扒我地order左medium rare不過因為佢用鐵板上黎到已經變左medium well肉質好硬 冇咩牛味 一啲都唔juicy性價比超級低 極唔推介🙁最後我地order左蘋果撻做甜品底層酥皮完全冇味 又唔酥脆 好似食紙咁蘋果焗前冇煮過 成個甜品只靠朱古力醬同埋雪糕提味係我試過最難食嘅蘋果撻😣.總括而言哩間餐廳性價比太低哩個價錢黎講有好多其他選擇唔會再幫襯😟

今日同同事慶祝食Target 飯,諗住喺公司叫外賣食，無意中search到呢一間西餐廳，首先係一個午餐，價錢唔算平帶食物質素差到一個點。呢個所謂嘅乜嘢黑松露鵝肝唔知咩飯，簡直就離晒譜無味又難食，仲要唔知點解好似一個楊州炒飯咁嘅樣搭一件鵝肝賣相都算仲要係超級難食嗰個咁嘅龍蝦湯好似開罐頭咁，我返屋企煮都好飲過佢，由細碗$78一啲都唔值囉。嗰個唔知乜嘢意粉一pat pat咁好難食，未食過咁難食嘅白汁意粉🍝🤮另一個炒飯係三文魚唔知咩炒飯，又一個高分傑作，睇落去係完全似一個中式炒飯，收人128完全係衰過茶餐廳得嗰個大蝦沙律係正常少少但唔代表好食，仲有一個唔知咩豬仔比係囉隻叉都吉唔入嘅😵‍💫有冇自己試吓自己煮嘅嘢食嘅呢咁難食都可以比客人食真係離晒譜啊！食個lunch我哋食咗1300百幾，嚇死人！從未食過咁難食嘅西餐

星期六嘅晚上用OpenRice book二人套餐有優惠夜晚七點幾有幾枱所以可以安靜咁傾吓計享受食物前菜可以去沙律吧任食蔬菜味道正常龍蝦湯龍蝦重 但略嫌龍蝦肉比較少非常推介凍食青口配泰式甜酸醬青口非常大隻 啖啖肉亦沒有沙粒鮮味十足 加上醬汁味道特別鵝肝配多士鵝肝切得非常厚煎得啱啱好 滿口都係鵝油🤤香草醬海鮮扁意粉非常惹味海鮮亦都好多 尤其是三文魚和原隻小魷魚牛柳扒味道正常煎嘅時間適中 亦都非常厚肉但個人都係鍾意食西冷😍

喺銅鑼灣行完街，想搵間舒服啲嘅西餐，朋友推介左呢間，係Sogo附近，門口好易搵👍🏻三個女孩子，叫咗一個二人餐再加多一個水牛城雞翼：首先要讚下個雞翼先，有誠意，個醬汁唔係就咁一Pat source, 佢有用返茄粒煮過，有質感，雞翼又唔多會炸到硬骨骨👍🏻👍🏻👍🏻👍🏻鵝肝多士好香，多士夠crispy, 秒殺😜呢個豬扒好似叫做保濕豬扒，我哋見到個名嘅時候覺得好好笑，食落口好柔嫩，好滑，唔怪得知佢話保濕啦！😂牛扒我哋叫咗七成熟，火候啱啱好，個燒汁都好好味，點綴左個牛扒😋😋😋

又係揾生日飯局既時候,睇到呢間樓上餐廳,不防試試! 食物美味,服務優質，環境舒服,可能疫情關係當晚只得3張枱, 令我地六人好似包場咁,渡過一個愉快既晚上! 希望呢D小店能捱得過。