四合院 (已結業)

今日午餐又想再搵 d 之前未試過既野食，喺囍匯附近，有時經過都留意到其實有好多小店經營，之前經過留意到呢一間感覺好中國特色嘅餐廳，今日決定就去試一試我哋差唔多兩點鐘去到所以比較容易搵到位，我哋之前經過就係留意到佢有一個餸叫做虎蝦鍋，由於我哋三個都食辣，所以最後選擇左十三香麻辣，再加唔同嘅配料落呢個鍋入邊個鍋一嚟到，我哋都俾佢嘅份量嚇一跳，因為冇諗過個份量咁大，虎蝦數量不少，而且每一隻都有好多蝦膏，另外呢個鍋主要係食佢佢嘅麻辣，所以佢放最低嘅寬粉差唔多吸晒佢所有嘅麻辣香味，好惹味，但又唔會太辣，但最後我哋三個人都K.O.唔晒呢一個鍋，正