Feast Oyster Bar and Restaurant (已結業)

今日行經中環見到呢間西餐出咗外賣限定，之前晚餐食過生蠔，質素都唔錯，今日決定買兩隻熱狗番公司做下午茶，我叫咗兩隻熱狗升級套餐有埋小食同嘢飲。熱熔芝士松露熱狗熱狗新鮮整，所以要等候一會，麵包鬆軟，黑松露味道濃郁配上豬肉腸非常美味，豬肉腸鹹香味適中。經典芝士珍寶熱狗芝士味道濃郁，但完全不會太油膩，配上雞肉腸很惹味。酥炸洋蔥圈洋蔥圈粉漿薄身，咬落洋蔥很香甜。招牌單骨雞翼雞翼炸到外面脆卜卜，一咬入口很多肉汁，加上單骨10分容易食。