The Balcony (已結業)

餐廳佈置華麗，以白色高貴牆身同埋藍色擺設做裝飾，一入門口，可以見到一隻藍色嘅佩佩🐸。🏷香煎比目魚配海膽汁卡邦尼意粉🍝（$208）比目魚肉質新鮮，但偏微咸。個意粉係我全餐入邊覺得係上等質素之一😽，竟然食到香甜味❤️，我一條不漏咁食晒。另外配有香菇、配菜、一個小千層撻。近排食好西食到咀叼叼😂，就甘嘅～啲菇如果可以鎖到水會更好，另外菇嘅味道可以更突出。配菜特別可口。小千層撻不太油膩、香脆。我加左$78轉套餐，包沙律🥗、餐湯、甜品🍮和餐飲🍹🏷沙律🥗有生菜、車厘茄、蜜桃🍑和火腿，配溫醇細膩的黑醋汁，不酸帶甜。🏷秘製龍蝦🦞湯依個都係我覺得驚艷嘅菜式。湯嘅質地好醇厚😚，成個湯充滿龍蝦🦞味😍。🏷蘋果批個甜品好特別，蘋果🍎薄片一塊塊舖喺批上面，係煮熟咗嘅蘋果嚟，成個批酸酸地，仲配有粒酸酸士多啤梨🍓。即使食到好飽，都仲食得落個甜品😗。🏷凍檸茶正常的凍檸茶😂，檸檬串🍋好多塊。總括嚟講，依間餐廳嘅食物質素算係平平，部分都算上品，勝在有組合套餐，唔洗自己揀。有啲套餐仲豐富啲，都有唸過揀嚟試試，不過驚食唔晒，所以試左個分量無甘多嘅先🤪。