滷友記 (加路連山道) (已結業)

朋友介紹一間位於銅鑼灣既滷水小店，之後先發現原來仲有分店，仲有另一間係荃灣，感覺應該唔差。由港鐵站行去大約十分鐘左右，沿路經過商舖有野睇下都唔覺得好遠。店內光猛整潔，初時以為係一間傳統形式店，但原來帶點CAFÉ FEEL，有高椅座望住街景都幾舒服，店員都好有禮貌上菜亦快。我地分別點左湯米粉同撈麵，各有唔同感覺，我個人較鐘意湯米粉。自撰三併麵 + 凍檸檬薏米水分別有三至五併，款式撰擇亦都唔小，最後我揀左牛筋、豬大腸，陳皮魚旦，食魚旦時即回味街邊檔吉吉下一串串果種感覺。湯底有四款，滷水係主打當然要配滷水湯，唔油有種清香感，再配手造爽脆米，浸湯之後有種煙UN感都幾特別。跟餐加配自家製凍檸檬薏米水，足料好味。招牌大滷撈麵 滷水湯另上，可以自己控制落幾多，可以唔洗全浸麵底無咁易淋，配料包括五花肉、陳皮魚旦、豆腐、蘿蔔，老公最鐘意五花肉夠入味唔會過濃蓋過肉香，另外仲好欣賞自家制辣椒油，都幾足料唔會死辣但好香。