犇道 (已搬遷) 新店位置

疫情期間，少出外火鍋，唯有在家中整個火鍋牛宴。上網買左一個套餐（2-3人），$388，有4款牛，每款有200g，仲送韓國帝王蟹餃子。牛小排是4款中，油脂最重，肥瘦較為均勻，牛味鮮甜。安格斯牛三角是我最喜歡。食落去，雖然冇牛小排個種爆油，但油脂一樣有，而且仲會有少少筋，唔會只有肉感。安格斯封門柳是牛的橫隔膜肌肉，每隻牛只有一條，所以較為罕有。肉質會偏向瘦，反而突出牛肉味濃郁。冇爆油脂，但有肉味。牛頸脊4款當中，最瘦的一款，脂肪最少。如果唔鐘意爆油脂的人，依款最岩。套餐仲送左帝王蟹餃子，份量多，而且餃子形狀長條形，較為特別。食落仲有韓國粉絲係入面，可以解下韓國癮。