胡爐 (已結業)

⛄️凍冰冰嘅天氣就最啱打邊爐🥳 不過平時唔係太鍾意食任食火鍋，鍾意食果樣先嗌果樣，所以呢日收工就去咗耀華街揾食😆♥ 胡椒豬肚花膠雞鍋 天氣咁乾燥梗係要滋補一下✨所以我哋就揀咗呢個花膠雞湯底，呢個湯底真係好足料🥰 花膠、雞同胡椒會分開上，店員都好貼心同我哋講啲雞件🐓食幾多先落幾多如果唔係會煲到好榎，花膠好大塊😆湯底都好濃郁，趁佢未落肉未油嘅時候都飲咗碗😋♥ 胡爐牛拼盤 🥩呢個拼盤包括有安格斯手切肥牛、極上手切牛頸脊、牛舌芯、牛胸爽同霜降牛粒，有齊唔同部位嘅牛牛，啱晒兩個人share食🥳 個人覺得最正嘅梗係安格斯肥牛牛肉味最濃郁🥰 而牛胸爽則幾爽口口感較特別♥ 蔬菜拼盤 打邊爐通常都鍾意食返啲菜😚 拼盤有齊娃娃菜、生菜🥬等等♥ 餃子拼盤手工魚皮餃、XO鮑魚蝦餃王、自家製韭菜餃同黑松露蟹肉餃，款款都皮薄餡豐富，各有特色✨ ♥ 手工丸拼盤黑松露墨魚丸黑松露味好濃郁食落都好香🥳 黃金墨魚丸呢個我推薦‼️同朋友都覺得好驚喜配搭好夾😍 另外梅菜豬肉丸好特別真係覺得食緊梅菜肉餅咁😂 手打香茜榨菜牛丸呢個就好似牛肉球🤣 粒粒都好彈牙✨♥ 日式蕃茄沙律🥗 揀咗個蕃茄沙律做前菜開一開胃，加左胡麻醬同豉油調味好入