相馬日式火鍋 (已結業)

大鴻輝雖然多野食，但好多餐廳為左做多幾枱客啲枱櫈都擺到好逼，坐得好唔舒服記得上次黎相馬就對佢闊絡既環境好滿意，坐足兩個鐘都唔會好大味。一入門口就見到有新野，係朱古力噴泉～～～未食正餐已經想試甜品。今次試豚骨湯同每次shabushabu必食既壽喜燒估唔到豚骨味道又幾濃厚。特選牛肉脂肪比例較少，帶少少筋，口感更好更有咬口打邊爐當然要飲汽水，呢度有新出呢款減慢糖脂攝取既雪碧同可樂，食落都無咁有罪惡感咩菜都有得揀，羽衣甘藍、原條小蘿蔔、蟲草花、秋葵，總有一款岩心水～～推薦豆腐，滑嫩得黎唔易散，用壽喜燒湯淥鹹中帶甜更好味第一次打邊爐淥原條蘿蔔又幾得意，食落幾清新爽口，即刻覺得自己變左白兔仔。上次黎既時候無炸蝦，今次終於有得試呢度既炸粉加左紫菜炸，食落更加香口，蝦夠大隻飽滿，啖啖肉。火龍果好甜西瓜相對起黎無咁甜，但口感夠爽夠清熱。推薦甜品杯，一口氣食左六七杯右邊既抹茶紅豆抹茶甘澀味十足，紅豆綿密蜜甜。左邊既芋蓉無多餘調味，芋頭味香而不膩，中間夾有鬆軟既海綿蛋糕，層次鮮明。雪糕有五款口味，其中芝麻味最得我歡心，唔會太甜，芝麻味香濃，配埋花生粒食更香口，好滿足呀