夏雪 (已結業)

陪爸爸去瑪麗覆診完，見有時間想去食好嘢，所以就去附近嘅 夏雪 食個特式嘅LUNCH，嚟一個CHILL ME-TIME餐廳環境都好有格調啱晒打卡，而且環境都好RELAX，所以係唔錯嘅。雖然餐廳以窩夫及咖啡為主，不過選擇都有好多。先嚟一杯 HONEY JASMINE LATTE，用上鮮奶打成嘅特飲，沒有咖啡成份，所以啱晒我。未飲就已經聞到茉莉花香味，入口就有香濃嘅茉莉花香配上蜜糖，感覺好清新，飲完真係令我愛上茉莉花飲品呀！餐廳主打係窩夫，而且仲可以自選配料，所以我就嚟一個簡單加配份PARMA HAM。個窩夫蛋味好濃，而且係即叫即整，所以送到嚟熱辣辣，而且入口煙煙靭靭，配埋CREAM CHEESEM同埋PARMA HAM一齊食，感覺係好夾，好好味。另一種點就落左係伴碟沙律菜，份量多之餘，店主用左自家制嘅沙律汁，有丁點辣之餘又帶點蜜糖味，所以食落醒胃之外仲可以帶起沙律菜嘅鮮。雖然好飽，不過都叫左每日限定發售嘅TIRAMISU。酒杯裝嘅外觀就已經好打卡-ABLE，而且佢真係好大杯，味道香濃，口感又好細滑，加上個咖啡酒味勁香，所以係勁好食呀！