茶廳 (已結業)

位置一啲都唔難搵 青衣站a1出口直行過一條好短嘅天橋 入到個商場再直行少少就已經到㗎啦 十分之方便♥️佢哋行嘅路線係高檔少少嘅茶餐廳 而且食物方面同一般茶記都會有少少唔同而我最欣賞嘅係佢哋會提供一啲特色嘅甜品雖然選擇唔算好多 有四款 貴精不貴多嘛😁首先第一個係招牌手撕雞撈麵話明係招牌 梗係要點嚟點佢嚟試下啦佢個麵條有啲似豉油王炒麵 而且佢入面有三種蝦米嘅配料 包括蝦米乾 蝦米油 同埋 師傅秘製嘅蝦米辣椒醬 相當之野味而且個面本身唔算乾 夾埋d雞絲同木耳正♥️第二個係佢哋嘅咖哩海鮮喇沙見唔見到匙上面有d炸辣椒 記得要將佢哋撈埋落啲湯一齊食 好惹味而且本身佢呢個係米粉 所以更吸收啲湯汁 唔會過鹹 味道唔太濃啱曬我口味🤪最後我哋叫多個鎮江骨係晚餐套餐嚟嘅佢會送一個餐湯同埋會跟個飯大家都見到其實份量真係多食到呢度我哋兩個人都好飽啦🤣🤣食飯梗係要叫嘢飲㗎喇 叫小冰真係小冰嫁♥️呢個薑汁燉蛋真係好夠薑 蛋好嫩滑焦糖好夠熱同脆 雪糕外層係溶溶哋但係食落入面依然好凍而且上面有啲薑味嘅粒粒脆脆地係幾好食🤩🤩