貝‧料理 (已結業)

今日朋友帶左我去旺角一間新開主打貝殼海產嘅料理店食lunch，午市套餐分三個價錢$280、$380同$580，我地簡左$380既套餐。貝類席前料理 •竹共有六道料理時令貝蕃茄野菜沙律時令貝用左北寄貝，肉質爽口彈牙，配上蕃茄野菜沙律，非常之開胃！磯煮南非鮑魚鮑魚肉質鮮嫩彈牙，鮑魚吸收左濃郁既湯汁，鮮味十足！季節貝湯季節貝用上柱貝，湯頭濃郁得黎又鮮味，還加上豆腐粒提升湯汁既口感。日式清酒煮蜆蜆用上四隻大馬刀貝，貝肉脹卜卜大大粒，超級鮮甜，入口淡淡清酒香味。鐵板燒日本A4和牛＋貝炒野菜和牛油脂豐富，一咬開油花四濺，肉味濃郁，配新鮮貝類炒雜菜，可以平衡返油膩感。鐵板燒貝類炒飯貝類用上帶子，見到師傅先將蛋汁拌勻白飯再炒，飯炒得非常乾身，粒粒分明，非常有鑊氣。