早安越南 (已結業)

燈光暗到似酒吧，幾有氣氛；裝飾設計以文革毛主席時期既style。【火車頭湯河粉】$88 大大碗湯河，食完飽到上心口。清澈的湯底，有獨特濃郁既香味同香濃的牛味，河粉幼滑，配料多款，有牛肉、牛腩、牛丸、牛柏葉，不過無左辣椒粒、鵝弟同青檸提供。【越式炒金邊粉】$80泰式炒米邊粉就見得多，越式真系要試下。用料味道大同小異，蝦肉、豆干、芽菜等材料去炒，食落甜辣，色澤鮮艷亮麗，睇落好吸引。【越式特選細拼盤】$91粉包就甘食有D清淡，配埋炸乾蔥同蔥花就惹味；春卷外皮呈網狀，食落特別鬆化，不過未炸到好乾身有D油；香茅雞翼無得輸，香口多肉汁!【龍眼冰】&【三色冰】DINNER SET送免費飲品，仲要特色飲品吾洗加錢升級，好抵! 三色冰好濃郁清香椰奶味，甜而不膩,，仲有紅綠豆及Cendol(綠色啫哩條)。