港 (已結業)

今晚同老公兩個人出街食飯，拍下拖撐枱腳，嚟到呢間fusion 酒吧食晚餐。餐廳裝飾簡潔，燈光少少暗，氣氛好岩一對對情侶靜靜地舒舒服服傾下計。餐牌封面好有香港特式，係九龍皇帝書法，香港同西式cross over。酒精類飲品好特別係用中國酒調配，不過我地唔特別好酒精類飲品，所以冇叫了。而食物選擇唔多，每一個種類有幾款選擇，貴精不貴多，張多款中式/港式食材煮成西餐，mix & match!落單之後，出菜速度非常快，要一讚呀！另讚係每一碟食物擺盤好靚，有美感，睇得出好用心設計。Bread & Dip 蔥油餅配黑蒜蛋黃醬蔥油餅薄薄脆脆，剪好一件件，加埋黑蒜蛋黃醬，美中不足係沾醬味道唔太特出。糖醋豬腩塊呢個非常有驚喜！雖然同想像圖唔同，但味道非常好食，慢煮豬腩片卷住青瓜絲同紅蘿蔔絲，加埋蒜泥同黑醋汁，酸酸嘅醋汁解左豬腩片嘅油膩，加埋清爽青瓜絲紅蘿蔔絲，成件事好開胃又refreshing!避風塘芝士蟹腸粉呢一碟係招牌菜，店員大推薦。完全無諗過避風塘，芝士，腸粉可以夾得埋一齊呀。當初仲擔心辣風塘會好辣，但完全冇問題，反而微微辣令成件事帶少少刺激。仲有大量蟹籽蟹肉，口感好豐富！蟹肉嘅份量非常非常非常多，