影片
更多
2017-04-23
1853 瀏覽
通常屋企大時大節先至會食海鮮，特別係生日啊又或者係乜乜乜週年嗰陣時候。最鍾意就係去街市買啲海鮮返嚟煮又或者打邊爐咁樣，食得又靚啲，價錢又會優惠啲。今晚得兩個人就無謂去街市買野咁麻煩，又想食啲平啲嘅海鮮。經過富臨見到佢禮拜日都有特價優惠，就上咗嚟試吓啦。咁見到有特價優惠，梗係轉攻啲特價優惠嘅食品啦。問咗店員呢啲特價嘅食品可以無限量咁樣叫，但係某啲可能鮑魚或者扇貝就要最低兩隻起。首先就叫咗個蒜蓉粉絲蒸元貝。平時街市買一隻呢隻元貝起碼都要＄10隻，而呢到幫你整埋都淨係收＄18隻，十分之抵。元貝的肉都好厚身，再配埋粉絲吸哂d蒜蓉香，正。特別想提下係拒加左一條條嘅菇，我估係金菇。吃落去多左份爽口感，幾好食。另外呢度會有大連鮑魚又或者係南非鮑魚，個人就鍾意食南非鮑魚，咁當然係貴啲啦，但係呢度收嘅價錢都係＄38隻。Size來講唔算係特別嘅大，但係以＄38呢個價錢來講就已經係相當之優惠。吃落比大連鮑魚嘅肉質會更加厚，更加爽身，大家不妨試試。出道街食我多數都會再叫條蒸魚，因為屋企係整唔到佢咁嘅味道，呢到蒸得會夠火喉d，魚肉又滑。呢度做一條斑先＄68。都幾大條，四個人食都夠。另外仲叫咗個燒鵝，一個例牌＄1
今晚得兩個人就無謂去街市買野咁麻煩，又想食啲平啲嘅海鮮。經過富臨見到佢禮拜日都有特價優惠，就上咗嚟試吓啦。
咁見到有特價優惠，梗係轉攻啲特價優惠嘅食品啦。問咗店員呢啲特價嘅食品可以無限量咁樣叫，但係某啲可能鮑魚或者扇貝就要最低兩隻起。
首先就叫咗個蒜蓉粉絲蒸元貝。平時街市買一隻呢隻元貝起碼都要＄10隻，而呢到幫你整埋都淨係收＄18隻，十分之抵。元貝的肉都好厚身，再配埋粉絲吸哂d蒜蓉香，正。
特別想提下係拒加左一條條嘅菇，我估係金菇。吃落去多左份爽口感，幾好食。
另外呢度會有大連鮑魚又或者係南非鮑魚，個人就鍾意食南非鮑魚，咁當然係貴啲啦，但係呢度收嘅價錢都係＄38隻。
Size來講唔算係特別嘅大，但係以＄38呢個價錢來講就已經係相當之優惠。吃落比大連鮑魚嘅肉質會更加厚，更加爽身，大家不妨試試。
出道街食我多數都會再叫條蒸魚，因為屋企係整唔到佢咁嘅味道，呢到蒸得會夠火喉d，魚肉又滑。呢度做一條斑先＄68。都幾大條，四個人食都夠。
另外仲叫咗個燒鵝，一個例牌＄100，如果要半隻嘅話就要＄200。兩個人來講其實要一個例牌都差唔多，今次仲比左鵝脾，正！
吃落去仲熱，呢點好重要。肉同脂肪的比例就一半一半，岩哂我呢d中意食肥d嘅人。
埋單300幾蚊，食左甘多海鮮。仲要係酒樓煮出嚟，感覺好抵。個人感覺食海鮮酒樓都不錯，起碼拒地大量攞貨，價錢平d。張貼
