Sweets House Cha Cha

營業中

休息中

一直都好鍾意呢度既抹茶軟雪糕，有抹茶既甘甜味但唔苦澀而且唔會太重奶味。以往都係食京都宇治抹茶甜筒($38)，因為可以邊食邊周圍睇野。但疫情關係今次想買完去food court食，所以就買左特濃抹茶窩夫杯($50)食。職員首先用紙巾托住個窩夫杯加入京都宇治抹茶軟雪糕再係雪糕上面撒上抹茶粉，然後將京都宇治抹茶啫喱放係窩夫杯同軟雪糕既中間，最後就插支京都宇治抹茶醬係軟雪糕底部。呢次軟雪糕同啫喱都冇令我失望，而且加埋抹茶粉同抹茶醬更加豐富左抹茶味道，如果窩夫杯脆返D同埋用紙碟放窩夫杯就比較好喇。因為要拎去food court食，始終有隻碟會方便D，但職員話佢地冇。