美心西餅 (已結業)

終於試埋美心今次新出家庭裝包既最後一款,即係特濃朱古力包。個長條形既包用紙兜包住,見到少少朱古力,因為朱古力餡係以螺旋形式混入包中。味道方面,包夠軟,亦食到朱古力味,比起坊間一d話係朱古力包但只係朱古力色既包而無朱古力味好,而且除左有混入左朱古力既包之外,都會食到朱古力醬,口感會豐富一點。雖然係咁,但係對於一d朱古力愛好者,好似我咁,就會覺得應該再加多一點朱古力會好些。呢個包唔太膩,所以都算好,但係好大個,所以會食到好飽。總括黎講,我覺得值得推介既!