Châteraisé (新都會廣場)

營業中

休息中

今日娘家提早幫老公慶祝生日，細佬喺Chateraise買咗個特濃朱古力蛋糕。其實一直對哩間餅店嘅蛋糕感覺一般，以往嘅經驗都係一半好一半壞，同埋成日覺得咁嘅價錢可以有其他更好嘅選擇。所以自己心底裡對今日個蛋糕亦不敢抱有太高嘅期望。可能正正因為咁，所以食嘅時候有驚喜。個名真係唔係呃人嘅，朱古力真係好香濃，好邪惡呀。蛋糕中間係幾層的，所以口感好豐富！大家都異口同聲大讚好食，連怕甜嘅老人家都食到舔舔脷，朱古力香濃得嚟唔會太甜，唔知係咪用咗黑朱古力呢。希望我會慢慢對哩間餅店改觀。