影片
更多
2010-12-12
68 瀏覽
一心0係團購買左張$120 Q旁想入西貢食佢地0既PIZZA, Q旁寫明使用日期由12/12開始可以用, 去到CASHIER姐姐居然話唔用得, 因為老闆未將顧客0既團購名單FAX比佢地, 所以佢地CHECK唔到。我話咁呢D係你地公司內部問題, 唔關我地事, 我地已經跟足Q旁上0既日期入黎食, 你地自己0係預定日期未預備好張LIST, 點解要我地負責？跟住0個位姐姐居然仲要話, 因為驚人地一張Q旁PRINT幾次黎用, 佢地無得做返紀錄。咁即係咩意思先, 即係我地真金白銀比錢買你地0既Q旁, 你地自己未預備好張LIST, 仲要懷疑我地會PRINT多幾張黎呃你地?!真係谷氣, 特登搭車入黎食, 仲要比人無禮對待, 而家你地內部功夫做唔好, 應該你幫我地手解決問題, 而唔係要我去接受你地0既失誤, 只係不斷叫我地上網睇佢地老闆網頁。上到佢地公司網頁, 我都唔明佢想我地睇D乜? 根本就無提過任何有關張Q旁未用得0既資料, 咁係咪算係打發左我地, 解決左個問題??為左唔想一心入黎食野而掃興, 結果又要比原價食, 真係唔忿氣。期間有個男人等外賣, 都向佢地怒吼, 話點解等左10分鐘佢地都仲未開始焗
一心0係團購買左張$120 Q旁想入西貢食佢地0既PIZZA, Q旁寫明使用日期由12/12開始可以用, 去到CASHIER姐姐居然話唔用得, 因為老闆未將顧客0既團購名單FAX比佢地, 所以佢地CHECK唔到。我話咁呢D係你地公司內部問題, 唔關我地事, 我地已經跟足Q旁上0既日期入黎食, 你地自己0係預定日期未預備好張LIST, 點解要我地負責？跟住0個位姐姐居然仲要話, 因為驚人地一張Q旁PRINT幾次黎用, 佢地無得做返紀錄。咁即係咩意思先, 即係我地真金白銀比錢買你地0既Q旁, 你地自己未預備好張LIST, 仲要懷疑我地會PRINT多幾張黎呃你地?!
真係谷氣, 特登搭車入黎食, 仲要比人無禮對待, 而家你地內部功夫做唔好, 應該你幫我地手解決問題, 而唔係要我去接受你地0既失誤, 只係不斷叫我地上網睇佢地老闆網頁。上到佢地公司網頁, 我都唔明佢想我地睇D乜? 根本就無提過任何有關張Q旁未用得0既資料, 咁係咪算係打發左我地, 解決左個問題??
為左唔想一心入黎食野而掃興, 結果又要比原價食, 真係唔忿氣。期間有個男人等外賣, 都向佢地怒吼, 話點解等左10分鐘佢地都仲未開始焗, 掛住0係度傾計, 老闆一唔0係度就作反, 結果佢地唯有拿拿臨整比佢。睇黎唔止我地一枱受氣喎!!!
講番食物, 中規中矩啦。我叫了辣肉腸+菠蘿+蒜蓉醬PIZZA, 味道比較酸, 菠蘿最好味, 夠甜, 但完全無蒜蓉味。份量好足夠, 一個女仔根本食唔晒一件。朋友叫了杯牛奶咖啡，佢話無乜味道。但總之用唔到張Q旁, 職員態度仲咁衰, 就點都扣分啦！
張貼
