影片
更多
2022-05-04
297 瀏覽
晚市重開後約埋幾個friend食飯飲嘢，朋友喺附近返工嘅話呢間新開嘅串燒居酒屋ok於是就去試吓。舖頭地方唔大只有四張四人枱，不過我哋幾個男仔吹水飲酒就啱啱好，舖頭係新裝修地方都算乾淨企理。一坐低首先叫番round啤酒飲，佢哋係用suntory嘅生啤，而且仲有黑啤可以選擇，對於非常鍾意飲日本生啤嘅我就好似返咗鄉下一樣，非常開心。其中一個朋友就叫咗杯highball，佢話味道唔錯起碼唔會水汪汪好似飲水一樣，下次都可以試吓。啤酒嚟到就叫咗幾個前菜送吓酒，其中最好味同埋特別嘅係吞拿魚他他，佢係吞拿魚蓉下面放咗一塊烤咗嘅魚干，口感同味道好唔錯，值得一試。其他居酒屋嘅經典小食例如枝豆同埋魚干都係有心機之作，雞皮餃子送啤酒一流不過口味清淡嘅朋友可能會覺得偏鹹。飲到咁上下就開始食串燒，串燒等嘅時間比較耐不過佢係即叫即燒都冇辦法啦，店主推介幾款特別嘅雞串燒我認為都值得一試(唔記得咗影相🥲)：雞尾：即係雞patpat，本身都半信半疑怕會有怪味，點知一啲臊味都冇，而且燒到好香脆，油香十足非常好食，本身叫咗一串試味食完即刻一日要多一串雞橫膈膜：本身以為係內臟，原來係一塊比較有咬口嘅肌肉，而且肉味香濃比起平常用
舖頭地方唔大只有四張四人枱，不過我哋幾個男仔吹水飲酒就啱啱好，舖頭係新裝修地方都算乾淨企理。
一坐低首先叫番round啤酒飲，佢哋係用suntory嘅生啤，而且仲有黑啤可以選擇，對於非常鍾意飲日本生啤嘅我就好似返咗鄉下一樣，非常開心。其中一個朋友就叫咗杯highball，佢話味道唔錯起碼唔會水汪汪好似飲水一樣，下次都可以試吓。啤酒嚟到就叫咗幾個前菜送吓酒，其中最好味同埋特別嘅係吞拿魚他他，佢係吞拿魚蓉下面放咗一塊烤咗嘅魚干，口感同味道好唔錯，值得一試。其他居酒屋嘅經典小食例如枝豆同埋魚干都係有心機之作，雞皮餃子送啤酒一流不過口味清淡嘅朋友可能會覺得偏鹹。
飲到咁上下就開始食串燒，串燒等嘅時間比較耐不過佢係即叫即燒都冇辦法啦，店主推介幾款特別嘅雞串燒我認為都值得一試(唔記得咗影相🥲)：
雞尾：即係雞patpat，本身都半信半疑怕會有怪味，點知一啲臊味都冇，而且燒到好香脆，油香十足非常好食，本身叫咗一串試味食完即刻一日要多一串
雞橫膈膜：本身以為係內臟，原來係一塊比較有咬口嘅肌肉，而且肉味香濃比起平常用雞髀肉做嘅雞串好味
雞頸皮：平時食雞皮都係一塊塊脆卜卜，今次呢個雞皮係捲埋一條同埋用汁燒，食落個口感外面脆脆地入邊煙靭，汁燒亦令到佢味道豐富好多
另外比較有印象嘅係牛舌、泡菜豚肉卷、軟骨雞肉棒都水準唔錯。埋尾叫咗個明太子茶漬飯團，入邊個飯團係燒過嘅，有少少好似食鍋巴湯飯嘅感覺，濕濕哋解解油膩係唔錯嘅收尾，甜品方便就選擇少啲所以冇特別叫。
總括嚟講係食得開心同好味嘅串燒小店，下次想飲酒食串燒會再返嚟 😋
泡菜豚肉卷
17 瀏覽
0 讚好
0 留言
厚切牛舌
15 瀏覽
0 讚好
0 留言
吞拿魚他他
17 瀏覽
0 讚好
0 留言
軟骨雞肉棒
28 瀏覽
0 讚好
0 留言
張貼
