凡高廚房

營業中

休息中

好耐以前原來我係嚟過呢間餐廳一次，今次相隔幾年之後再嚟，食物質素一樣好好，同店員傾過，原來餐廳已經開咗16年啦，喺疫情期間仍然繼續營運真係唔簡單。喺門口已經睇到好多好有特色嘅裝修，入到餐廳入面更加係好多打卡位。今次我哋叫咗兩個午餐，第一個係行政牛扒套餐（ $208 ），第二個係夾餅餐（ $98 ）再加左一個頭盤同埋餐湯（加$10 ）。最後叫咗一個海鮮拼盤（ $58 ）。蘑菇湯係呢間餐廳嘅signature，超濃嘅蘑菇味，有機會一定要試吓。海鮮拼盤都好新鮮，有蠔、螺、蝦、青口等等。三文魚牛油果夾餅非常之大份，仲好健康有好多菜添。牛扒亦都係非常之大份，而且唔會韌，好有牛肉味。兩個餐都跟咗甜品，一個係Tiramisu，一個係芝士蛋糕，為呢一個午餐畫上一個好好嘅完結。值得一提嘅係餐廳氣氛好好，而且店員都好友善。