Drool Froyo

營業中

休息中

大熱天就當然要食雪糕，同大少出開天后買書，行經見到新開嘅乳酪雪糕店，咁就緊係要一人一杯消吓暑啦！以Frozen yogurt為主，夠滑身得嚟個味道又帶點酸酸甜甜。除左有固定款式選擇之外，仲有幾款自選杯，有多款配料同醬汁做選擇，總之就係你想點食就點食啦！睇住店姐姐整都係好治療嘅...哈哈我地兩個都選擇左牛角杯，可以點選2款配料同1款醬汁。大少選擇左玫瑰荔枝醬 + 大大粒藍莓同埋粒燒棉花糖。望落已經好吸引，當然味道都好一流，食落有層次感又滿足。最大亮點就一定係牛角杯上面嗰一塊壓扁咗個牛角包，口感微甜又酥脆。最頂層及低層有軟滑乳酪雪糕包圍住，食落有層次感又滿足。我就選擇左朱古力醬+麻薯同埋自家制嘅焦糖脆脆，麻薯煙煙韌韌同埋超有口感嘅焦糖脆脆同雪糕一齊食，口感香脆之餘，仲令到整杯雪糕口感更加不少，大愛。