Chang Thai Restaurant & Bar (裝修中)

新開既Chang thai resturant and bar在銅鑼灣L square 7/f, 一開電梯門幾有feel,播上輕快既泰文歌！ 店員幾有禮貌，先點了個火鍋，用上冬陰公做火鍋湯底，湯底非常得，夠香又夠酸！帶點香香辣感，幾惹味刺激！食物用上九宮格去盛住，特別位係蠔肉用了陶瓷蠔殼盛住，幾有特色！蠔肉飽滿多汁，就算熟左都唔會縮哂水！丸既用料都幾有質素，全部都夠爽口彈牙！牛丸味幾重牛香，蜆肉新鮮無沙，蝦肉新鮮彈牙！幾欣賞既係個粉絲，靠個冬陰公湯底令粉絲生息不少！索哂味吸哂汁，好好食。估佢唔到個泰式冬陰公火鍋都幾似模似樣，仲有8折優惠，性價比夠哂高！