秋千.在 (已結業)

渡船街一帶好多好嘢食，前幾個月仲開咗呢間特色Cafe，今日終於有機會一試。店名取名秋千，店內真係有一個鞦韆俾客人打卡呢度主打bagel，主食就主打卷心粉(casareccia)。同朋友夜晚去，試左個冬陰功辣蝦卷心粉同意式番茄醬慢煮牛肋條卷心粉。第一次食卷心粉，有咬口之餘又掛汁。個冬陰功汁聞落已經香，食落香香辣辣，好滋味。慢煮嘅牛肋條，又腍又入味，茄醬香濃，同樣係高水平之作。另外仲叫咗一杯焙茶鮮奶咖啡，呢個稍為失色，焙茶味略嫌唔夠。下次有機會再試佢嘅bagel。