Plan B Cafe (已結業)

於尖沙咀山林道嘅 𝗣𝗹𝗮𝗻 𝗕，以白色為主，感覺光潔舒服，亦更顯得寬敞💕 餐牌上有唔同嘅特色意粉，亦有港式意大利飯，例如麻婆豆腐意大利飯，中西合璧，好有趣😆🔅蜜汁叉燒漢堡 $138漢堡包烘過，火力稍為勁咗少少，不過就意外地多咗少少脆邊。🍔半肥瘦嘅蜜汁叉燒，比一般漢堡有咬口，配上洋蒽、青瓜醬同生菜，酸酸甜甜，味道唔錯。 🍟薯條份量慷慨，亦炸得香脆，薯條控表示滿足😂🔅法式多士配生果伴雪糕 $70賣相吸引👍 多士軟綿，配上一大球嘅自選嘅 rum raisin 雪糕，帶有輕輕嘅酒香🍨🔅維也納咖啡 $46層次分明，面層係厚厚嘅忌廉，甜甜地亦好綿滑，而底層係 latte，分開或混合飲都可以😋