影片
更多
2019-06-11
161 瀏覽
聽朋友講北角有間平靚正嘅台灣餐廳好好味，今日就同同事黎試下。佢地位置都幾好搵，喺炮台山站A出口行四至五分鐘就到，係兩條街嘅轉角位黎。裝修十分用心，好有台灣風味，店主好似都係台灣人黎，非常友善好客。店面嘅空間唔算好大，但都容納到十幾人左右，都有少少似台灣嘅餐廳小店。落單會有一張紙睇晒所有菜式同飲品，一目了然，令我意外嘅係，所有菜式嘅價錢都唔貴，可算係平民飯堂，難怪平日去都見到門口有咁多人等位。見佢嘅價錢唔算貴，我哋兩個人除咗叫主食之外都嗌咗唔同小食一齊share。1.台北滷豬腳飯 $40大大碗滷豬腳飯，有肉有菜，望落都幾豐富。豬腳嘅脂肪比較多，但係食起嚟又唔會覺得好油膩好難入口，而且滷得十分入味，一啖肉配一啖飯真係超級好食！2.紅燒牛肉麵 $45紅燒牛肉麵嘅湯底非常之香，牛肉嫩滑可口，粗麵條，麵質偏軟身，同喺台灣食嘅牛肉麵感覺差唔多。3.懷舊滷肉飯(小) $29我最期待嘅滷肉飯冇令我失望，滷肉飯嘅肉碎比較大粒，有啲肉咬下，而且肥而不膩，鹹甜嘅味道都配合得好好，好味！4.鹽酥雞 $35份量都算多，外皮香脆，雞肉多汁，個人來講略嫌有啲重口味。5.酥炸魷魚 $39魷魚大隻，而且都幾厚肉，炸到脆
佢地位置都幾好搵，喺炮台山站A出口行四至五分鐘就到，係兩條街嘅轉角位黎。裝修十分用心，好有台灣風味，店主好似都係台灣人黎，非常友善好客。店面嘅空間唔算好大，但都容納到十幾人左右，都有少少似台灣嘅餐廳小店。
落單會有一張紙睇晒所有菜式同飲品，一目了然，令我意外嘅係，所有菜式嘅價錢都唔貴，可算係平民飯堂，難怪平日去都見到門口有咁多人等位。
見佢嘅價錢唔算貴，我哋兩個人除咗叫主食之外都嗌咗唔同小食一齊share。
1.台北滷豬腳飯 $40
大大碗滷豬腳飯，有肉有菜，望落都幾豐富。
豬腳嘅脂肪比較多，但係食起嚟又唔會覺得好油膩好難入口，而且滷得十分入味，一啖肉配一啖飯真係超級好食！
台北滷豬腳飯
$40
20 瀏覽
0 讚好
0 留言
2.紅燒牛肉麵 $45
紅燒牛肉麵嘅湯底非常之香，牛肉嫩滑可口，粗麵條，麵質偏軟身，同喺台灣食嘅牛肉麵感覺差唔多。
紅燒牛肉麵
$45
27 瀏覽
0 讚好
0 留言
3.懷舊滷肉飯(小) $29
我最期待嘅滷肉飯冇令我失望，滷肉飯嘅肉碎比較大粒，有啲肉咬下，而且肥而不膩，鹹甜嘅味道都配合得好好，好味！
懷舊滷肉飯
$29
23 瀏覽
0 讚好
0 留言
4.鹽酥雞 $35
份量都算多，外皮香脆，雞肉多汁，個人來講略嫌有啲重口味。
5.酥炸魷魚 $39
魷魚大隻，而且都幾厚肉，炸到脆卜卜，份量幾足，一份兩個人share就差不多。
鹽酥雞, 酥炸魷魚
$74
41 瀏覽
0 讚好
0 留言
6.柯仔煎 $39
柯仔煎係台灣人嘅平民美食，以前啲人生活困苦，錢又唔多，就用簡單嘅食材創作咗柯仔煎呢樣美食。柯仔煎放嘅生蠔量都幾多，配上紅薯淀粉同蛋汁，成個蛋餅都好香，食落又軟綿綿，煙煙銀銀。
柯仔煎
$39
33 瀏覽
0 讚好
0 留言
7.蜂蜜綠茶 $10
可自選甜度和冰塊多少，很貼心。
8.咖啡磚奶茶 $20
咖啡磚嘅口感好似啫喱，一咬就會有香濃嘅咖啡味，非常特別，同奶茶一齊飲真係好夾！
蜂蜜綠茶 , 咖啡磚奶茶
$30
24 瀏覽
0 讚好
0 留言
9.九份芋圓(冷) $35
成碗糖水嘅內容好多，有豆腐花，涼粉，小丸子，珍珠，同主角芋圓。個人本身唔算芋圓愛好者，但佢嘅芋圓都真係幾好食，好有咬口，整體黎講係好豐富！
九份芋圓
$35
14 瀏覽
0 讚好
0 留言
27 瀏覽
0 讚好
0 留言
張貼
